[A:96b]slob ma grub pa thob pa dpal Dombhi ba dang / shanti pa dang / mnga' bdag mai tri pa la sogs pa che bar grags pa bdun/ zhi ba bzang po dang / zhi ba'i go cha la sogs pa paNDi ta'i slob ma mang po dang / khyad par zhabs pad yun ring du bsten cing mnyes par byas pas 'khor lo bde mchog gi thun mong ma yin pa'i gdams ngag gi sgo nas rjes su bzung ba'i slob ma sogs mang du yod pa las/ de dag gi nang nas shanti pa chen po mkhas pa sgo drug mnyam po yin kyang / na ro pa chen po la bde mchog gi dbang dang gdams ngag gsan/ rgyud bstan bcos mang po la 'grel pa mdzad/ dpal sdom pa'i rgyud la 'grel par mdzad pa rtsom pa'i tshe na rmi lam du rdo rje phag mos zhal bstan nas/ kla klo'i skad kyis shin tu sbas pa'i rgyud 'di gsal bar ma 'grel bar don zab mo nyams su longs shig gsungs/ bkag pa dang gnang ba'i lung bstan thob nas/ phyi ru nyan thos kyi spyod pa mdzad/ /nang du zab mo'i don nyams su blangs pas grub pa brnyes pa yin te/ rdo rje gdan pas/ rgyal rigs spyod pa mthar phyin nas/ /'dul 'dzin gsang sngags dngos grub brnyes/ /shanti pa zhes bya ba yi/ /bla ma de la phyag 'tshal lo/ /zhes pa ltar ro/ /de'i slob ma jo bo rje dpal ldan a ti sha ste/ 'dis thog mar slob dpon shanti pa la bde mchog gi dbang dang / rgyud mkhas pa paNDi ta'i bshad pa yan lag dang bcas pa mnos nas mkhas par sbyangs/ de nas dha ri ka pa'i slob ma bram ze sdom pa bzang po zhes