[A:97a]bya ba la/ bde mchog lU nag gnyis ka'i dbang dang rgyud/ gdams pa zab mo dang bcas pa mnos nas thugs rgyud tshim par mdzad/ de'i rjes su dpal mchog Do mbhi ba la bde mchog yab bka' dang / khyad par rje btsun ma zhal gnyis ma dang / na ro mkha' spyod la sogs pa'i yum bka'i byin rlabs dang / nyams len zab don mthar thug pa mnos nas thugs nyams su bzhes pas rje btsun ma'i zhal gzigs gnang ba thob par grags so/ /yang khyad par yun ring du bsten cing mnyes par bya ba'i na ro pa chen po'i slob ma ni bzhi ste pradznyA rakShi ta dang / ma na shrI dang / kha che byang chub bzang po dang / pham thing pa rnams so/ /snga ma gsum gyis na ro pa'i zhabs pad yun ring po bsten kyang tshogs bshad las ma gnang / phyi ma la slob bshad thun mong ma yin pa tshang bar gnang ba yin te/ de yang bam thing pa la sku mched bzhi ste/ rigs 'ba' bo bya ba yin la/ mched rnams kyi che shos dge slong dharma ma ti ste chos kyi blo gros bya ba yin zhing / 'dis na ro pa'i spyan sngar lo bcu gnyis bzhugs/ de spyan 'dren par de'i gcung po 'jigs med grags pas byon pas/ gcen gyi zhal nas/ khyod nga'i bla ma'i drung du sdod cig kho bo la bla mas khyod chos ma 'chad par rgya nag ri bo rtse lngar song na dngos grub thob gsungs pa'i lung bstan yod pas der 'gro gsungs nas bzhud de/ phyis 'dir song cha med pa zhig byung / de nas 'jigs med grags pas na ro pa'i spyan sngar lo dgu