[A:97b]bzhugs/ dpal kyai rdo rje sogs gsang sngags phal cher bslabs/ khyad par 'khor lo bde mchog gi gdams ngag gzhan su la yang ma gnang ba'i slob bshad zab mo stsal/ de'i sgo nas dman pa dang 'bring gi dngos grub kyang thob par mdzad do/ /de la bal po'i yul du a thas pa chen po zhes bya bar grags/ bod kyi yul du pham thing pa zhes par grags pa yin la/ de spyan 'dren par de'i gcung dus 'khor bar yang grags/ bal po mai tri pa zhes kyang 'bod pa des byon pas gcen gyis khyod kyang nga'i bla ma sten la gdams ngag zhus gsungs pa bzhin lo lngar na ro pa'i drung du bzhugs te dbang dang gdams ngag zhus so/ /de spyan 'dren par chung shos thang chung ba phyis su ngag gi dbang phyug tu grags pa de byon des kyang na ro pa la bde mchog gi dbang dang gdams ngag mang du thob kyang / yongs su rdzogs pa ma gsan/ de la gcen 'jigs med grags pas khyod ngag gi dbang phyug sgrubs gsungs pa bzhin/ des kyang bsgrub pa mang du byas bsgrub g.yog dang bcas te phyin nas/ me tog 'bab chu la bskyur bas dngos grub chen po'i me tog yar log byung ba khong yengs nas ma mthong / dngos grub 'bring gi me tog gnyis pa yang ma mthong / dngos grub tha ma'i me tog gsum pa la bsgrub g.yog thugs rje chen pos mthong ste/ rang btung snyam pa la jo bos bkyon gyis dogs 'thung ma nus par/ byung ngo byas pas mthong ste 'thungs pas/ ngag gi dbang phyug