[A:100b] bod kyi lo tsA ba'i slob ma mang yang / gdams pa rdzogs pa ni pu hrang lo tsA ba grags 'byor shes rab yin la/ 'dis dang po lho bal du byon pa'i dus su mar do dang dpon g.yog yin pas/ pu hrang lo chung ngu grags/ spyir 'dis rgyal po'i sras dang ha ngu dkar po la sogs pa bla ma mang po la bde mchog sogs gsang sngags mang du gsan/ khyad par bha danta la bod du byon pa'i gtsang lam du bde mchog gi chos bskor gsan nas sgrub pa mdzad cing / khyad par na ro pa'i man ngag bskyed pa'i rim pa phag mo mkha' spyod/ rdzogs pa'i rim pa rtsa dbu ma/ thun mong gi man ngag gnod sbyin mo dbang du bya ba la sogs pa bsgrubs pas grub ste/ dus phyis la stod shrI'i dgon pa khang dmar zhes par bshad sgrub gnyis ka mdzad cing bzhugs pas/ de'i snyan pa dmar chos kyi rgyal mtshan gyis gsan te drung du byon pa la/ lo tsA bas brtags pas snod ldan du dgongs dbang dang rgyud bshad sogs tshang bar gnang / de nas lo tsA bas mkha' spyod bsgrubs na 'grub pa'i ltas shig gzigs te/ bshad nyan bshol/ dmar la/ ngas zhal gyi gdams pa rnams khyod la thun mtshams bug chos su 'chad do gsungs/ shrI'i gad logs chen po zhig yod pa der/ gong du bla ma'i bzhugs khang / de 'og dmar gyi bzhugs khang / tha mar nag tshang dang nye gnas 'dug pa rnams sa phug tu brus/ mdor gnam sgo byas su yang mi thar ba byas pa'i sa phug gong ma der bla ma bzhugs te bshos 'dren pa'i bug pa ma gtogs 'dag sbyar