[A:101a]mdzad de/ ngas dngos grub ma thob bar sgo 'di phye na/ phyogs skyong dang zhing skyong rnams kyis nga'i mgo bo tshal pa brgyar khos gsungs te sgrub pa la bzhugs so/ /de nas re zhig na/ bla ma'i zhal nas dmar la/ nangs par nga'i gan du yong ba 'dra yod pas ma 'gogs par thongs shig gsungs/ nangs par paNDi ta gcig dang / bud med brgyad de dgu byung nas/ pu hrang lo tsA ba la thon gyis dang zer bas/ sngar gyi gsung dran nas yar bos bug sgo'i drung du song ba na/ paNDi ta mgor byas gral bsgrigs te gsung gleng di ri ri grag pas/ dmar gyis ci yin nam snyam ltar phyin pas/ mkhyen nas bltar mi rung song gsungs byon pas/ dar cig na gsung chag nas/ yang dmar chen po dal gyis gzigs su byon pas/ bug sgo ni sngar ltar gnas/ gsung de nang du grag nas bltas pas khong dag gral sngar ltar byas/ lo tsA ba gral mjug na 'dug pa la/ paNDi tas gser gyi yi ge 'od lam pa zhig rim gyis phyag brgyud bla ma lo tsA ba la gtad kyin 'dug pa bla mas kyang bzhes te mid song bas sku lus 'od kyi gong bur gyur phug pa yang 'od kyis gang bas/ ba spu g.yo zhing mchi ma 'khrug sgom rang babs su byung / de gsan gyis dogs rang gnas su byon pas/ yud tsam na bla mas ting ting shag gi sgra byung nas byon pas sngon ltar khong rnams sgo drung na 'dug /bug sgo ni sngar bzhin 'dug pa na/ bla ma'i zhal nas/ 'di dag la bsnyen bkur gyis/ pha tshad skyol gsungs/ de bzhin byas/ slar bla ma'i drung du phyin