[A:101b]te dad shugs chen pos mchi mas gang bzhin du/ sngar gyi de rnams ci lags zhus pas/ khyod kyis mthong ngam gsungs/ mthong zhus pas/ khyod kyis sgrub pa'i grogs byas na mkha' spyod du 'gro bar 'dug pa la/ 'on kyang khyod la 'khor lo bde mchog gis zhal ston cing byin gyis brlabs par 'dug go gsungs/ de lta bu'i paNDi ta de he ru ka bud med brgyad sgo mtshams ma brgyad/ yi ge de bde mchog gi rtsa sngags yin par grags so/ /de'i mtshan mo lo tsA ba nyid mkha' spyod du spyan drangs so/ /nangs par dmar gyis nye gnas la/ mdang gi ltas de mi dge rang re bla ma'i spyan sngar 'dong byas te phyin nas bug sgo nas bos pas gsung ma byung / bltas pas phya ru shul lhang nge 'dug pas sgo phye ste na bza' sogs byin rlabs kyi rten du sus thob byas so/ /de nas phyis su khams pa lo tsA ba zhig gis bal por phyin pas/ bal po ka na ka shrIs bod na gtam ngo mtshar can gsar pa ci 'dug gsungs/ des gzhan mi gda' pu hrang lo chung mkha' spyod du gshegs zer/ la la nye gnas kyis khungs med du bkrongs kyang zer the tshom du bag tsam gyur nas gda' byas pas/ de ka 'dri ba yin/ khong mkha' 'gro ma gnyis kyi phrag par khur nas gda'/ nga la 'phrad du byung / ngas khong pa la 'bar nas bzhag khong mkha' spyod du song gsungs so/ /de lta bu'i lo tsA ba chen po de la bla ma sa skya pa chen pos bde mchog gi chos skor ci rigs pa gsan cing /