[A:102a] sras rje btsun sku mched sogs la spel te lugs de la bde mchog pu hrang lugs su grags pa yin no/ /yang rje btsun na ro ta pa chen po'i 'khor lo bde mchog gi gdams pa slob bshad zab mo tshang la ma nor ba yongs su bzhugs pa'i slob ma'i mchog dpal pham thing pa chen po'i drung du klog skya lo tsA ba shes rab brtsegs kyis lo bco brgyad bzhugs nas 'khor lo bde mchog gi chos skor cha tshang ba zhig la sogs pa chos bsam gyis mi khyab pa gsan/ de nyid la bla chen mal gyis dang por bde mchog gi chos skor cha tshang zhig gsan cing / phyis su mal lo chen pos bal por byon nas na ro pa'i slob ma kha che byang chub bzang po dang / ka na ka shrI'i slob ma bal po thugs rje chen po dang / bha danta rnams la'ang bde mchog gi chos skor mang du gsan/ khyad par pham thing pa sku mched la lU nag dril gsum sogs gsang mtha'i dbang gdams ngag dang bcas pa/ rtsa bshad kyi rgyud kyi bshad bka' rnams legs par mnos te/ spyir bla ma mal lo tsA ba 'dis bde mchog rtsa rgyud kyi bshad bka' lan grangs bdun cu rtsa gsum gsan cing / de thams cad la le'u re la tshogs 'khor re yang mdzad/ bskyed pa'i rim pa la brtan pa thob/ yi ge bdun pa'i las tshogs thogs med du grub cing / sgrub pa la brtson pas grongs kha'i bar thun bzhi'i rnal 'byor ma chag par mdzad/ gshegs pa'i tshe sku lus la rgyan