[A:102b]drug gsol te nam mkha' la gar mdzad cing sgra 'od dang bcas gshegs so/ /bla chen de'i 'khor lo bde mchog gi gsang mdzod 'dzin pa ni bla ma sa skya pa chen po kun dga' snying po ste/ bla chen 'di sangs rgyas mya ngan las 'das nas lo sum stong nyis brgya dang nyer lnga lon pa chu pho sprel lor sku bltams/ dgung lo bcu gcig bzhes pa'i tshe yab rje bde bar gshegs/ ba ri lo tsA ba chen pos bu bzhin bskyangs/ de'i tshe 'jam dbyangs bsgrubs pas phyi nang gi bar chad bsal te/ sgrol ma dang mi g.yo ba'i zhal gzigs/ zla ba drug na 'phags pa 'jam dpal gyi zhal gzigs te phar phyin gyi gdams pa zhen pa bzhi bral stsal/ dgung lo bcu gnyis pa la rong ngur smrig tu brang ti dar ma snying po la mngon pa gsan/ de nas bzung khyung rin chen grags/ mes lhang tsher/ kha 'ub pa rje btsun dar ma rgyal mtshan mched/ sgyi chu ba dgra lha 'bar/ gung thang gi mal lo/ pu hrang gi lo chung grags 'byor shes rab sogs bla ma mang du bsten nas dbu tshad/ bde kye gsang gsum/ gshin rje gshed gur zhal la sogs pa'i chos skor mang po gsan nas sbyangs pas mkhas pa chen por gyur/ khyad par 'khor lo bde mchog gi chos skor rnams ni/ 'khon sgyi chu ba'i gshegs rdzogs la phebs pa'i tshe/ sgyi chu ba bla ma mal lo tsA ba'i slob ma yin pa'i stabs kyis sgyi chu ba'i bzhugs gnas na bde mchog gi phyag dpe mang du 'dug pa rnams bsnams te/ mal lo tsA ba gung