[A:103a]thang na la rtse gnas gsar ba bzhugs pa'i drung du byon pas/ de dus bla mas slob ma'i snod brtag pa'i phyir dang / jo sras kyi grags pa yod med brtag pa'i phyir bde mchog gi bshad pa zhus pa rnams tshogs bshad khyugs ma las ma gnang / de nas sa skya pa chen pos mar byon pas lam du gser srang bcu bdun chos yon du byung ba dag bla ma mal gyi drung du 'bul bar btang pas bla ma mnyes te/ snod ldan dam tshig par 'dug pa la ngas cung ma shes/ da nga rgas ring po mi thub pas chos kyi lhag ma yod pas 'di tsho len par myur du rang cis kyang byon gsungs pa na/ bla chen gyis slar yang gung thang du byon pas/ gshin rje gshed skor ngan song sbyong rgyud/ mgon po'i chos skor 'cham mgon rten dang bcas pa dang / khyad par zab mo'i mthar thug 'khor lo bde mchog lU nag dril gsum/ na ro mkha' spyod dang bcas pa'i dbang bka' bshad bka' lung bka' man ngag gi bka' la sogs pa bla chen mal gyi chos lugs kun tshang bar stsal pa yin no/ /de nas dgung lo nyer dgu bzhes pa'i tshe bse 'bag nag po 'phur shes gung thang nas gdan sa chen po 'dir phebs/ de nas bzung ste lo bzhi'i bar du zhang ston rje la gsung ngag yongs su rdzogs par mnos/ slar dgung lo zhe bdun pa'i tshe rnal 'byor dbang phyug dpal ldan birWa pa gtso 'khor lnga dpal sa skya 'dir dam chos sgo skyel gyi tshul du byon nas/ rgyud sde bdun cu rtsa gnyis/ lcags