[A:103b]ri'i khongs mi las 'da' ba'i zab chos sogs gsung ngag nye brgyud stsal/ dgung lo lnga bcu bzhes pa'i tshe zhang ston gyi gdams pa'i bka' rgya grol nas khams pa a seng la gsung ngag gnang ste/ gzhung bshad a seng ma mdzad/ dgung lo re bdun bzhes pa'i tshe sku'i bkod pa rnam bzhir bstan nas gshegs so/ /bla ma sa skya pa chen po la spyir slob ma'i mchog grub thob gsum/ bzod thob bdun/ rtogs pa dang ldan pa brgyad cu/ lam 'bras kyi gzhung bshad gces par 'dzin pa'i thugs sras bcu gcig tshig rkang la rnam 'grel mdzad pa po'i slob bu bdun/ phyogs kyi mkhas grub chen po bzhi la sogs pa bsam gyis mi khyab pa zhig yod pa las/ 'khor lo bde mchog gi sgo nas rjes su bzung zhing rgyud byin gyis brlabs te gdams pa rdzogs par mnos pa ni/ rje btsun sku mched/ gnyan phul chung pa/ rgya sgom tshul khrims grags sogs yin zhing / de'i nang gi slob dpon rin po che bsod nams rtse mo ni ston pa gshegs nas lo sum stong nyis brgya dang don lnga lon pa'i chu pho khyi lor sku bltams/ dgung lo gsum bzhes pa'i tshe 'jam dbyangs kye rdor sgrol ma gsum gyi zhal gzigs/ bcu drug pa yan la rgyud man ngag gi sgro 'dogs chod/ bcu bdun pa nas cha pa'i drung du byon snga phyir lo bcu gcig tu mdo phyogs kyi sgro 'dogs bcad/ nyer bdun pa me mo phag la chos la 'jug pa'i sgo zhes pa'i bstan bcos chen po brtsams/ nyer brgyad pa la gsung ngag rin po che