[A:104a]gnang ste/ gdul bya skal ldan la 'jam dbyangs/ phyag na padma/ birWa pa dang gsum gyi dag pa'i snang ba bstan/ zhe gcig pa chu pho stag gi smal zla'i tshes bcu gcig la dag pa'i zhing du gshegs pa yin te/ rje btsun rin po ches mdzad pa'i gsol 'debs gdung dbyangs ma'i mchan las/ tshes bcu'i dgong rje btsun sku mched sogs kyis tshes bcu'i mchod pa mdzad/ nangs par rje pas byon pas na bza' sbu gu thib pa sku lus ma spangs par mkha' spyod du gshegs/ gdungs dbyangs kyis gsol ba drag tu btab pas/ na bza'i sbu gu nas bung ba'i skad lta bu'i lung bstan khyad par can byung zhes bshad pas sku lus ma spangs par mkha' spyod chen por gshegs pa yin la/ de'i gcung rje btsun rin po che grags pa rgyal mtshan ni/ ston pa mya ngan las 'das nas lo sum stong nyis brgya dang brgyad cu lon pa me mo yos la sku bltams/ dgung lo brgyad bzhes pa'i tshe byang sems zla ba rgyal mtshan la tshangs spyod dge bsnyen gyi sdom pa mnos/ de tsam nas bzung yab bla ma chen po/ gcen slob dpon rin po che/ gnyan phul chung pa/ rgya sgom tshul khrims grags pa la sogs pa yongs 'dzin du ma la spyir zab pa dang rgya che ba'i chos tshul bsam gyis mi khyab pa zhig gsan nas thugs su chud par mdzad/ khyad par yab la mnga' ba'i 'khor lo bde mchog gi chos skor lU nag dril gsum na ro