[A:6b]phyogs kyi grwa pa rnams kyi 'dir bzhugs na 'phrin las chen po yong zhes mus phyogs su bzhugs su re ba'i zhu cha mang po phul ba/ rje btsun sangs rgyas rin chen pas gsan te/ khyed kyi bsdod sa dang 'phrin las yong sa e waM chos ldan yin gsungs nas gnang sbyin bslab bya dpag med dang bcas te de 'phral ngor du rdzong thar mdzad pa yin no/ /bla ma dam pa 'di nyid kyis rje btsun sangs rgyas rin chen pa'i drung du so sor thar pa'i sdom pa dang rjes su 'brel ba'i chos gsan tshul ni/ dge tshul gyi brtul zhugs la gnas kyang bstan pa la zhugs la ma rdzogs pa yin pas gzhan gyi mkhan po dang slob dpon la mi dbang ba yin pa dang / rten la gsum ste dge slong mchog /ces gsang sngags rdo rje 'dzin pa'i sdom pa'i rten tu dge slong mchog tu bsngags pa dang / ngur smr-ig 'dzin pa sras kyi mchog /dge slong rnams ni yin phyir ro/ /zhes sogs kyi don dgongs pa la bzhag nas gsum ldan dge slong rdo rje 'dzin pa'i sgo nas gdul bya rnams thams cad mkhyen pa'i sa la 'god par bzhed pa'i thugs bskyed chen po'i kun nas blangs te sems dpa' chen po sangs rgyas rin chen dpal bzang po'i drung du mkhan po zhus shing / las kyi slob dpon chos kyi rje rin po chen kun dga' chos ldan/ gsang ste ston pa'i slob dpon rje btsun lha mchog seng ge pa/ grib tshod pa sde snod 'dzin pa 'phrin las dbang phyug pa/ dad pa'i dge 'dun 'dul ba 'dzin pa shes rab rin chen dang / lung rigs smra ba dge legs