[A:7b]med yin pa dang / khyad par rje btsun sa paN nas brgyud pa'i zab lam mthar thug dpal dus kyi 'khor lo'i sbyor ba yan lag drug pa bzhugs pa gsan nas/ de zhu bar dgongs te mar pa lo tsA'i na ro paN chen bsnyags pa bzhin lam bgrod dka' ba dang / thag ring ba sogs kyi bka' tshegs gang la yang ma gzigs par cher gtad mnga' ris bstod du phebs te/ zhal mjal ma thag nas thugs dges tshor chen po dang bcas rjes su bzung yang / sbyor drug ni nyams len cher ma byas pas mi bde gsungs nas ma gnang / 'on kyang chos dang zang zing du ma'i sgo nas bka' drin tshad med pa bskyangs gsungs so/ /zhes thos so/ yang dam pa 'di nyid kyis sa skya 'khon gyi gdung brgyud/ ngur smrig 'dzin pa'i gtsug rgyan/ rig gnas mtha' dag gi dbang phyug mtshan gang gcig sangs rgyas kyi zhing khams grangs med pa bgrod par nus pa'i ting nge 'dzin ni brtan po dang ldan pa sa skya paN chen gnyis pa sa lo 'jam pa'i rdo rje'i zhabs pad yun ring bsten te/ brtse ba chen pos rjes su bzung nas sku gsung thugs mdzad pa 'phrin las kyis legs par bskyangs pas mkhas btsun bzang gsum dang / 'chad rtsod rtsom gsum la sogs te yon tan mtha' dag la dbang 'byor pa yin te/ de yang bla ma 'di nyid dam pa'i chos gsan pa'i snod du dgongs nas/ gzhan la tshogs bshad du mi rung ba rnams