[A:10b]gyi yon tan ji ltar brnyes pa'i tshul la gsum las/ dang po mkhas pa'i yon tan ji ltar brnyed pa'i tshul la/ tshig la mkhas pa dang / don la mkhas pa'o/ /dang po ni/ shes bya'i gnas thams cad la mkhas pa'am/ bye brag sbyangs pa'i chos la mkhas pa ste/ mkhas gang shes bya'i de kho na/ /ji bzhin rtogs pa yin par 'dod/ /bye brag sbyangs pa'i don shes pa/ /de dang de la mkhas pa yin/ /zhes dang / de yul rtog ge brda' sprod dang / /gso ba phyi nang rig ces bya/ /zhes gsungs pa ltar mkhas par bya ba'i gnas sam/ yul ni rig pa'i gnas lnga yin la/ bdag nyid chen po 'dis ni rig pa'i gnas lnga de dag dang por 'dzin pa dang / bar du 'chad pa dang / tha mar kun chub par mdzad pa la rtsom pa rab kyi thar phyin par 'gyur pa dang / rnyed pa dang bkur bsti dang / bza' ba dang btung ba dang / gnyid rmugs la sogs pa'i ro myong ba dang / 'jig rten chos brgyad kyi rnam par rtog pa gang yang mi mdzad par/ mdo rgyud bstan bcos rnams la sbyangs pa mthar phyin par mdzad pas/ dus skabs thams cad du chos gang 'chad kyang tshig phyed kyang ma 'khrul bar thugs nas gsung ba la thogs pa med pa mngon sum gyis grub pa yin no/ /don la mkhas pa yang yin te/ rig pa'i gnas lnga'i bsdus pa'i gzhung lugs gang dang gang yin pa de'i tshig