[A:11a]don rnams phyin ci ma log pa khong du chug nas de'i dbang du byas pa'i bstan bcos rtsom mkhyen pa dang / tshig thugs su tshud ma thag tu don phyin ci ma log pa mkhyen cing / don la mkhyen pa de srid du tshig tsam gyis chog par 'dzin pa ni dam pa 'di la mi mnga' ba'i phyir ro/ /de'i rgyu mtshan gyis gsung rab gang 'chad kyang mtha' chod pa'i bshad pa mdzad nas/ de dang de'i snying po'i don ni 'di yin no zhes 'chad pa la gzhan dang mtshungs pa med pa mngon sum gyis grub pa dang / 'chad rtsod rtsom gsum gyi bya ba gang mdzad kyang tshig la ma 'chol bar don kho na la gtso bor mdzad pa'i sgo nas gdul bya rnams thar pa'i lam la 'god par mdzad pa yin no/ /gnyis pa btsun pa'i ston ni/ spyir bla ma dam pa 'dis sngon skye ba dpag tu med pa nas goms pa'i shugs kyis sgo gsum gyi kha na ma tho ba ci yang mi mdzad la/ khyad par tshul khrims kyi bslab pa rin po che bstan pa'i rtsa ba yin par dgongs nas/ bslab par bya ba'i gnas mtha' dag phra zhing phra ba nas blang dor tshul bzhin du mdzad pa dang / rtags dang cha lugs tshun chad rung ba tshad dang ldan par mdzad pa dang / kun spyod thams cad dam pa'i chos 'dul ba dang mthun par nyams su len par mdzad pa dang / sku gsung thugs kyi dbang po zhi zhing dul la bag dang ldan par bzhugs pa dang / spyod lam thams cad kun tu mdzes shing brjid chags pa dang / tshul khrims kyi dri bzang khyad par can rdzi phyogs ma yin