[A:11b]pa kun tu bsnams pa dang / gang du bzhugs pa'i sa phyogs thams cad gtsang zhing snum la yid du 'ong ba dang / mtho dman gyi skye bo su la yang zur gyis 'khu ba dang / zhe gcod pa'i tshig dang / pha rol gyi yid du mi 'ong ba'i rnam 'gyur cung zad kyang mi mdzad la/ rnyed pa dang bkur bstir ma chags pa'i bsam pas pha rol bslu ba'i bsam sbyor ngan pa thams cad dug bzhin spangs te/ de'i dri ma tsam yang mi mnga' ba dang / khyad par dang por rab byung bsnyen rdzogs mdzad nas/ mthar mya ngan las 'das kyi bar du sha chang sgong gsum gyi dri ma tsam yang mi mdzad pa dang / rtsa rlung thig le'i rnal 'byor gyis byung chub kyi sems rang gnas su 'phel bar mdzad de/ yon tan 'di gnyis kyis kyang mkhas btsun bzang gsum du rlom pa thams cad zil gyis mnan pa yin no/ /de lta bas na bdag nyid chen po 'di'i sku gsung thugs kyi mdzad pa dang / kun spyod gang la yang skyon de ltar snang ba 'di lta bu zhig go snyoms pa zhabs drung du yun ring du bsdad pa'i skye bo sus kyang ye ma mthong zhing / bsnyen par rdzogs nas lo brgya lon pa lta bu'i spyod lam dang ldan par gyur te/ bslab pa la gus pa rnams kyi nang nas mchog tu lung bstan pa 'phags pa ka ta ya na'i bu lta bu dang / sbyangs pa'i yon tan gyi mdzes pa rnams kyi nang nas phul du phyin pa 'od srung