[A:12a]chen po lta bu dang / spyod lam dul ba rnams kyi nang nas mchog gi tu bsngags pa rta thul lta bur nyes ltung gi dri mas ma gos shing brtan mkhas kyi yon tan gnyis dang ldan par bzhugs pas ngur smr-ig 'dzin pa rnams kyi nang nas mchog tu gyur pa yin no/ /gsum pa bzang po'i yon tan ji ltar brnyes pa'i tshul ni/ bla ma dam pa 'di ni mtshan mo bskyed rdzogs zung 'brel gyi rnal 'byor mang po la g.yel ba mi mnga' zhing / nyin mo 'khor 'das dbyer med kyi lta ba zab mo'i ngang nas 'chad rtsod rtsom gsum la sogs pa sangs rgyas kyi bstan pa'i bya ba kho nas dus 'da' bar mdzad pa dang / mtho dman thams cad la lhag par byams shing / gzhan la gnod pa'i las cung zad kyang mi mdzad/ gzhan la mtho 'tshams pa dang phrag dog gi rnam pa gang yang mi mnga'/ rnyed bkur dang che thabs kyi rtsol bsgrub gtan nas mi mdzad/ khyad par 'dren mchog chos rje/ rje btsun sangs rin/ 'jam dbyangs sa lo ste/ rtsa ba'i bla ma rnam gsum thugs kyi dkyil du bzhag nas/ lhag pa'i lha dang dbyer med pa'i 'du shes kyis gsol ba rgyun du btab pas legs nyes kyi bya ba thams cad lung ston/ bar skabs cung zad sku snyel ba'i tshul ston pa'i tshe/ dang por snyung rkyen/ bar du bcos thabs/ tha mar 'di tsam la drag gsungs pa sogs dang lan gcig e wa~M dgon pa'i bla brang gi steng du kun mkhyen bu ston zhal