[A:12b]gzigs pa dang / yang rje sangs rgyas rin chen mnal lam du byon nas phyag bzhi pa la yig cha gyis/ gtor ma byin gzhan gyi mthu mi yong zhes lung bstan pa dang / ston po gtor bsngo brgya tshar dus spyan zur la e waM mgon khang nas mi nag dung long can zhig lam zab lha khang la song / cher te gzigs pas pu trar 'dug ces gsungs par grags pa dang / gzhan yang rgya mtsho bla chen bdag med ma'i dbang zhu bar 'byon pa thugs mkhyen gyis dgongs pa dang zhal slob thugs dam pa zhig la khams 'dus drag po lan gnyis byung ba'i tshe/ rje nyid la gsol ba btab pas/ dge slong zhig gis ltung ba'i rnam pa zhig dang / yi ge zhig gtad byung nas rje nyid kyis gnang ba yin zer bas de ma thag nad las grol ba dang / yang bsgom chen zhig gi rmi lam du e waM 'du khang na rje bsod nams rtse mo chos gsung gin yod zer nas phyin pas rje nyid chos gsung gin 'dug pa rmi ba sogs rje btsun gong ma zhig gi rnam 'phrul lam ngo bor bzhugs pa la the tshom dang bral ba yin no/ /mdo sde rgyan las/ lus can kun gyis khyod mthong na/ /skyes bu dam pa legs par 'tshal/ /mthong ba tsam gyis rab dwangs bar/ /mdzad pa khyod la phyag 'tshal lo/ /zhes gsungs pa ltar phyag dang zhabs la sogs pa sku'i cha shas thams cad 'jam zhing gzhon sha chags pa dang /