[A:13b]spobs pa mi dman pas/ /'chad rtsod rtsom la bsnyengs bral blo gros rgyas/ /kun spyod rnam dag byung chub sems gnyis 'byongs/ /bstan pa'i nyi mar gyur la gsol ba 'debs/ /zhes gsungs pa yin no/ /zhes thos so/ /drug pa 'chad rtsod rtsom gsum gyi sgo nas sangs rgyas bstan pa'i bya ba ji ltar mdzad pa'i tshul la gsum/ dang po 'chad pa'i sgo nas bstan pa'i bya ba mdzad tshul la gnyis ste/ dpal e waM chos ldan du chos 'khor bskor tshul dang / yul dgon gzhan du bskor tshul lo/ /dang po la gnyis/ thog mar bskor tshul dang / bstan pa'i bdag por mnga' gsol tshul lo/ /dang po ni/ dgung lo nyi shu rtsa lnga bzhes pa 'phags pa'i yul na khyu mchog ces pa lcags mo sbrul gyi lo nas/ lo bcu gnyis bar du dpal e waM chos ldan gyi zur 'chad pa 'dzad de/ rdo rje 'phreng ba dang / kri ya sa mu tsa nas gsungs pa'i dbang bskur bzhi bcu zhe lnga dang / zur bka'i dbang bzhi bcu lhag tsam la sogs pa dang / gsung ngag rin po che'i khrid bka' mang po dang / kye rdo rje rgyud gsum la sogs pa'i rgyud kyi bshad bka' mang po dang / sgrub thabs brgya rtsa dang / rgya mtsho dang / zur bka'i rjes gnang gi rigs rnams dang / rigs gtad la sogs pa dang / lung gi rigs bsam gyis mi khyab pa rgyun mi 'chad pa gsungs pas skal ldan gyi gdul bya mtha' yas pa smin grol la 'god par mdzad pa yin no/ /gnyis pa bstan pa'i bdag