[A:14a]por mnga' gsol tshul ni/ dgung lo so bdun bzhes pa rnam rgyal zhes pa chu mo sbrul gyi lo zla ba gnyis pa'i nyer gcig gi nyin rje btsun dam pa lha mchog sengges thub pa'i gser sku gzi 'od 'bar ba gcig gnang / dbu la me tog gi char mang po phab nas rab tu gnas par mdzad de/ da lo lam 'bras pa rnams la lam 'bras bshad/ bla brang chen mo'i gzim chung du bsdod la dbyar chos dgun chos dang / ston chos ma chags pa gyis gsungs pa sogs bstan pa'i rgyun la phan pa'i lugs gnyis kyi bka' lung 'them che ba gnang nas bstan pa'i bdag por mnga' gsol lo/ /de nas bla ma dam pa 'dis rje btsun lha mchog sengge'i bka' bzhin bsgrub ste/ dge 'dun tshogs pa la gsung ngag rin po che cha lag dang bcas pa zab rgyas su gnang / gsung ngag grol ba dang bstun bla brang chen mo'i gzim chung du bzhugs te/ dbyar chos la dpal kyai rdo rje rgyud gsum gyi bshad pa la sogs pa zab pa dang rgya che ba'i dam pa'i chos gsungs/ ston chos la rdo rje dril bu pa'i dbang / kyai rdo rje'i bka' babs bzhi'i dbang / dag pa gsum gyi khrid/ rje rdo rje 'chang gi bka' 'bum pod bzhi ma'i lung / shin tu spros med kyi khrid/ zhen pa bzhi bral gyi khrid/ de rnams dang 'brel ba'i yig cha'i lung rnams gsungs/ de nas dgung lo so brgyad