[A:14b]bzhes pa shing pho rta'i lo zla ba bcu pa'i tshes brgyad kyi nyin rje btsun rdo rje 'chang chen po kun dga' bzang po'i zhabs kyi rgyal tshab dam par dbang bskur te dge 'dun tshogs pa thams cad kyis bkra shis dang / rab gnas kyi mnga' gsol zhing / lha rnams kyis kyang me tog gi char chen po babs nas mngon par mchod de bstan pa'i bdag po chen por mnga' gsol lo/ /de nas bzung lo grangs nyi shu rtsa bzhi'i bar du bar ma chad par stod mnga' ris/ smad mdo khams/ bar dbus gtsang gi gdul bya bskal ba dang ldan pa sprin bzhin du 'dus pa rnams la rang rang gi blo dang 'tshams pa'i chos kyi sbyin pa rgya chen po rgyun chad med pa gnang ste/ de yang lo re bzhin dgun gyi dus su mdo rgyud thams cad kyi bcud phyung ba rje btsun sa skya pa'i zab lam gyi mthar thug gsung ngag rin po che lam 'bras bu dang bcas pa'i gdams ngag yongs su rdzogs pa tshar re re dang / zhu ba po'i stobs kyis skabs 'gar tshar gnyis gnyis gnang zhing / de dag dang 'brel ba'i sems bskyed/ slob ma rje 'dzin/ dbang bskur/ byin rlabs/ lung / lag len gyi rim pa rnams shin tu zhib cing mtha' chod par gnang / dbyar dus rnams su kyai rdor rgyud gsum/ bde mchog rtsa bshad/ gsang 'dus rtsa rgyud/ ngan song sbyong rgyud la sogs pa rje btsun sa skya pa yab sras kyi bshad srol dang mthun pa'i rgyud sde'i bshad bka' mang po dang / nag po