[A:15a]rim bzhi/ dril bu rim lnga/ rtsa dbu ma'i khrid/ dag pa gsum gyi khrid/ lam skor phyi ma brgyad kyi khrid la sogs pa khrid bka' mang po dang / de rnams kyi yig cha'i lung lag len dang bcas pa dang / sgrub thabs brgya rtsa dang rgya mtsho dang / zur bka'i rjes gnang la sogs pa/ rjes gnang dang rigs gtad mtha' yas pa dang / de rnams kyi rgya gzhung / sgrub thabs rjes gnang dang bcas pa'i yi ge'i lung ston dpyid la sogs pa'i skabs su zhu ba po'i blo dang bstun pa'i dbang bka' du ma dang / khrid dang rjes gnang la sogs mtha' yas pa dang / rje btsun gong ma lnga'i bka' 'bum/ mus chen sems dpa' chen po'i bka' 'bum/ kun mkhyen bsod nams seng ge'i bka' 'bum/ 'dren mchog chos rje dang / rje btsun sangs rgyas rin chen gyi bka' 'bum la sogs pa lung gi tshogs yang nas yang du gsungs pa dang / gzhan yang dbu sems kyi srol chen po gnyis las 'ong ba'i sems bskyed kyi sdom pa dang / bka' gdams gzhung drug la sogs pa rnams yang yang du gsungs te gdul bya rnams byung chub kyi sems rin po che rnam pa gnyis kyis rgyud phyug par mdzad pa dang / so so thar pa'i sdom pa'i sgo nas gdul bya'i don mdzad pa yang bsam gyis mi khyab ste/ lo re bzhin dkyus thog re la rab byung bsnyen rdzogs don du gnyer ba sum brgya lhag tsam dang / gzhan yang gnas dang dus nges med du glo bur du lhags