[A:15b]pa dang bcas pas dge tshul khri phrag gcig tsam dang / bsnyen par rdzogs pa stong phrag gsum lhag pa'i mkhan po mdzad la/ de ltar na rab byung bsnyen rdzogs kyi mkhan po mdzad pa yang / bla ma dam pa 'di las mang ba gzhan ma byung ba yin no/ /gsung ngag rin po che lam 'bras bu dang bcas pa'i gdams ngag cha lag yongs su rdzogs pa tshar sum cu rtsa lnga bka' stsal te bstan pa dang sems can gyi don dpag tu med pa mdzad pa sogs gdul bya gang la gang 'dul gyi chos kyi char bab te skal ldan gyi 'gro ba rnams smin grol gyi lam la 'god par mdzad pa yin no/ /gnyis pa yul dgon gzhan du chos 'khor bskor tshul ni/ gdan sa chen po dpal ldan sa skya/ rtse gdong srid gsum rnams rgyal/ dpal na lendra/ mus rte mo gling dga'/ yar 'brog mthar gling / 'bras yul rdzing dkar/ gzha' ri dgon pa/ thub bstan bskyed tshal/ thub bstan rin chen gling la sogs pa'i dgon pa rnams su yun ring po nas gsol ba yang yang du btab nas spyan drangs te/ gdugs/ rgyal mtshan/ phyi ma 'phur ma/ rol mo'i bye brag sna tshogs la sogs pa mchod pa'i yo byad bsam gyis mi khyab pa dang bcas te/ rnam sbyar dang chos gos gyon pa'i ngur smr-ig 'dzin pa'i tshogs dang / skye bo'i tshogs dpag tu med pas bsus te/ 'phags pa rin po che'i bzhugs khri padma can la sogs pa skyes bu dam pa rnams kyi chos kyi khri chen po rnams la zhabs kyi padmo 'khor