[A:16a]los mtshan pa rnam par 'khod de/ gsung ngag rin po che gtso bor gyur pa'i khrid/ dbang rgyud/ man ngag rjes gnang / rigs gtad la sogs pa chos kyi rnam grangs bsam gyis mi khyab pa gsungs pa'i sgo nas gdul bya so so'i dbang po tshim par mdzad de rnam grol gyi 'bras bu la 'god par mdzad pa yin no/ /mdor na dgung lo nyer lnga nas drug cu re gcig gi bar lo grangs sum cu rtsa bdun gyi bar du nyams bzhes zab mo bsam gyis mi khyab pa la ma g.yos pa'i ngang nas/ nyin mtshan khor yug tu 'chad rtsod rtsom gsum la sogs pa'i sgo nas sangs rgyas bstan pa'i bya ba 'ba' zhig mdzad de/ spyi sgos kyi bstan pa yar ngo'i zla ltar 'phel rgyas su mdzad de/ e waM chos ldan gyi khri thog tu phebs pa la 'chad nyan gyi rgyun dang / bstan pa'i 'phel rgyas rje btsun kun dga' bzang po'i rjes su bla ma dam pa 'di las lhag pa gzhan byon pa med do/ /gnyis pa rtsod pa'i sgo nas sangs rgyas kyi bstan pa la bya ba mdzad pa'i tshul ni/ spyir rtsod pa'i tshul ni gzhung lugs rnam par dag pa dpang du btsugs te/ lung dang rig pa'i sgo nas rang gi 'dod pa bsgrub cing phyogs snga ma sun 'byin par byed pa yin no/ /'dir ni bla ma dam pa 'dis mngon rtogs ljon shing las 'phros pa'i dri lan nges don gsal ba/ gsang ba sgo 'byed las 'phros pa'i dri lan zab don snying po/ brgal shing brtags