[A:16b]pa'i lan rnam par nges pa tshangs pa'i rigs sngags dang / de'i bsdus don tshan brgyad pa/ gsung ngag lam 'bras brtsams te bris shing brtags pa'i lan rnam par nges pa mtha' bral bdud rtsi'i rol mtsho rnams las gsungs pa'i rig pa rnams ni mkha' rlom sus kyang 'gran par mi nus pa ste gsung rab de dag tu bltas pas shes so/ /gsum pa rtsom pa'i sgo nas sangs rgyas kyi bstan pa la bya ba mdzad pa'i tshul ni/ spyir rtsom pa zhes bya ba rgyal ba sras dang bcas pa'i yon tan brjod pa dang / bde bar gshegs pa'i gzhung lugs dri ma med pa dgongs 'grel dang bcas pa'i brjod bya rnams yul du byas te/ sdeb sbyor gyi gtsug lag dang mthun par rtsom pa yin pa las bdag nyid chen po 'dis mdzad pa'i rtsom pa rnams kyang rang gis brjod bde zhing / gzhan gyis rtogs sla ba/ gnyis ka'i rna bar snyan pa ste sdeb sbyor gyi gtsug lag dang mthun pa kho na yin la/ rtsom pa ji ltar mdzad pa'i rnams grangs kyang / rtsa brgyud kyi bla ma rnams kyi bstod tshogs/ rnam thar/ gsan yig yi dam gyi lha mang po'i sgrub dkyil/ rjes gnang rigs gtad zhal gdams chab shog gi skor sogs mang po dang / khyad par kye rdor rgyud gsum man ngag dang bcas pa'i gong ma'i gsung rab rnams kyi rgyas 'grel/ don dus dka' gnas kyi mtha' chod sogs skyes sbyangs kyi blo gros dang ldan pa su zhig gis mthong