[A:17a]yang rtsom pa po nyid la mi phyed pa'i dad pa dbang med du bskyed pa sha stag ste/ zhib par ni bka' 'bum po ti gsum bzhugs pa'i so so'i dkar chag nas 'byung ba bzhin no/ /de dag kyang ming gi mngon brjod kyi spras pas bying che/ tshig snyan ngag gi brgyan pas rna bar snyan/ don brjod bya dang 'brel bas rtogs sla/ gcod mtshams sdeb sbyor dang mthun pas brjod bde ba la sogs pa bstan bcos rtsom pa'i yon tan thams cad tshang bas mkhas pa rnams yid 'phrog par byed pa yin no/ /bdun pa mkhas btsun bzang gsum gyi slob ma ji ltar bskrun pa'i tshul ni/ lhar bcas 'gro ba'i skyabs mchog rigs ldan 'jam pa'i dbyangs kyi rnam par sprul pa sa skya 'khon gyi gdung brgyud bdag chen kun dga' bsam 'grub pa dang / sngags 'chang bstan pa'i nyi ma ngag dbang kun dga' rin chen sku mched zhal rnam pa gnyis kyis gtso mdzad/ dus de tsam gyi sa skya pa'i bstan 'dzin gyi khongs su gtogs pa'i stod mnga' ris/ bar dbus gtsang / smad mdo khams kyi sa'i cha la yod pa'i chos sde chen po'i mkhan po dang / grwa tshangs so so'i slob dpon dang / blo gsal mang po'i 'dren pa dang / mi chen mang po'i bla ma sogs bstan 'dzin du khas che ba kun gyis rje nyid kyi zhabs zung la btugs te nyid kyi gsung thub pa'i bka' bzhin du 'dzin pa'i bu slob mkhas