[A:17b]grub kyi tshogs rgya mtsho'i gos can ma lus pa khyab par gyur pa yin no/ /zhes thos so/ brgyad pa rnam dkar gyi mdzad pa gzhan yang ji ltar mdzad pa'i tshul ni/ bla ma gong ma zhi bar gshegs pa rnams kyi zla ba byung ngo cog gi zla mchod dang / lo mchod dang / lha khang rnams kyi dkar me chag med dang / sngar yod rnams gong 'phel dang / 'phags pa rin po che'i dus chen gsar btsugs dang / zla re bzhin tshes bcu bzhi la ljon shing mdzes rgyan gsar btsugs dang / khyad par brgyud pa'i gsol 'debs dang / tshul gsum gsal byed sngon du btang nas/ dpal dges pa rdo rje rtsa rgyud zla ba byung ngo cog gi tshes bcu la gsar btsugs mdzad pa'i tshe/ dam pa de nyid kyang khri khar phebs te/ dge 'dun rnams la bsnyen bkur phun sum tshogs pa mdzad pa na me tog gi char pa kha ba lta bu babs pa de skabs kyi dge 'dun thams cad dbang du gyur pa yin no/ /zhes thos so/ gzhan yang bla ma dang dkon mchog gsum gyi rten gsum mang du bzhengs pa dang / de dag la rab tu gnas pa dang mchod pa'i 'phreng ba bsam gyis mi khyab pa phul ba dang / dpal e waM chos ldan/ dpal ldan sa skya/ kha'u/ bskyed lhas/ snar thang byang chen/ dpal ldan rtse la sogs pa'i gnas khyad par can rnams su bstan srung rnams la thugs dam bskang ba'i cho ga sogs rgyas par mdzad nas/ sangs rgyas kyi bstan pa yun ring du gnas pa'i 'phrin las 'chol ba sogs rnam dkar gyi mdzad