[A:3a]dkyil 'khor dkar zhing snum la dri ma med pa phyag dang zhabs padma ltar 'jam zhing khong lag yangs pa la sogs pa skyes bu chen po'i mtshan dang ldan pa dang spyod lam phun sum tshogs kun gyi yid du 'ong ba gcig yod ces thos so/ /dgung lo gsum tsam bzhes pa'i tshe/ sngon gyi bag chags bzang po'i stobs kyis chos 'chad pa dang / nyan pa dang / mdo klog pa dang / bsam gtan bsgom pa dang / rgya bod kyi yi ge bri ba la sogs pa chos dang mthun pa'i spyod pa rnams kun la gsal bar ston pas 'di ni theg pa chen po'i chos smra ba'i dge ba'i bshes gnyen chen po zhig tu 'gyur ba'o/ /zhes kun gyis bstod bkur bsngags gsum byed pa zhig yod ces thos so/ /de nas dgung lo lnga drug tsam gyi dus mtshan mo gnyid du song ba lta bu'i tshul gyis sa skya lha khang chen mo dang bcas pa'i grong pa rnams kyi mi phyugs/ nang gi phu sogs na yod pa'i dngos po phra rags tshang ma 'od gsal gyis gsal por mthong ba zhig byung zhes kyang gsung bar grags so/ /de nas dgung lo bdun zhes pa'i tshe slob dpon dpal ldan chos skyong ba'i drung du klog yig la sogs pa bslabs sbyangs mdzad pa'i tshul bstan pas tshegs med par mkhyen no/ /dgung lo brgyad bzhes pa'i dus sku zhang bcas phyugs 'tsho ba la phebs pa'i tshe/ chu nang du zla ba'i gzugs brnyan shar ba de dam pa 'di nyid kyis gzigs te sku zhang la gsungs pas zhang po na re/ nam mkha' la