[A:3b]zla ba yod pa'i gzugs brnyan yin zer bas/ rten 'brel zab mo'i don la nges shes brnyed pa de dus nas byung gsungs/ de nas dgung lo bcu gsum ma bzhes bar du gnas de nyid du bzhugs te klog yig dang rje btsun gong ma'i sku bstod sogs chos spyod kyi rim pa rnams la bslab sbyangs mthar phyin par mdzad do zhes thos so/ /gnyis pa sangs rgyas kyi bstan pa la ji ltar bzhugs pa'i tshul ni/ sngon gyi bag chags bzang po'i mtshams sbyar te/ dgung lo bcu gsum bzhes pa 'phags pa'i yul na dkar po zhes grags pa sa mo sbrul gyi lo/ dpal e wa~M chos ldan du phebs te 'dren mchog chos kyi rgyal po dkon mchog 'phel ba'i zhabs kyi padma la btugs nas sku gsung thugs kyi mdzad spyod gang la yang nyes pa'i skyon du skad gcig tsam yang mi rtog cing / ngo mtshar ba'i yon tan kho nar gzigs pas thugs brtse ba chen pos rjes su bzung zhing / phyi nang gi rten 'brel thams cad rang 'grig pas yon tan thams cad kyi 'byung gnas su 'gyur pa yin te/ gnas skabs thams cad du chos kyi rgyal po de nyid kyi rnam thar gnang ba la sogs pa'i yon tan brjod pa dang / mtshan thos pa'i tshe dad pa dang gus pa rang dbang med par g.yos te spyan chab gnang ba la sogs pa sku gsung thugs shin tu dad pa'i rnam 'gyur ma bcos lhun grub tu 'byung ba ni kun la mngon du gyur pa yin no/ /lo de'i snron zla ba'i tshes brgyad kyi nyin 'dren mchog dam pa dkon mchog