[A:51a] /des na de kho na nyid kyi yi ge de rje btsun gyis mdzad pa yin no zhes 'bad rtsol gyis sgrub pa dag la ni mjug gi mdzad byang blta ba'i mig tsam yod kyang / 'di 'dra'i rigs can gyi don gyi gnad la spyod pa la nyin mo'i long ba bzhin du 'gyur ro/ /bla ma 'ga' zhig rje btsun gyis mdzad nges pa'i yi ge zhig kyang yod pa 'dra bas btsal dgos gsungs yang / rje btsun gyi dngos slob bla ma dpyil bsgom gyis mdzad pa'i lam 'bras kyi yi ge las/ rje pa'i zhal nas rdo rje dang dril bu dang phreng ba'i de nyid cig byed par sems pa la ma grub gsungs zhes 'byung bas btsal yang ngal ba tsam du zad do/ /smras pa/ thos chung thos don mi shes par/ /khungs min khungs su re ba yi/ /blo chung blo ngan nor 'chang ba/ /khyod min khyod 'dra shin tu mang / /rgol ba drug pa ni/ lus dkyil 'byung khungs med pa dang / /zhes pa'i rgyas bshad du/ kha cig na re/ lus kyi pho brang lnga'i a~M la sogs pa'i yi ge rnams rin 'byung la sogs pa'i sa bon du bzhag nas bskyed par byed pa mi 'thad de/ de ltar na bcos ma'i dkyil 'khor du thal ba'i phyir dang / ha~M dang hU~M lta bu sa bon mgo thur bstan du mi rung ba'i phyir dang / zhes bkag nas ngag 'don gyi tshe/ a~M rin chen 'byung ldan zhes sogs sbyar nas gzhung gi tshig mtha' dag med par byed do/ /'di mi 'thad de/ rje btsun rtse mos lus dkyil lung dang sbyar ba'i le'u gnyis pa nas bhru~M la sogs pa ni pho brang lnga'i lha rnams kyi sa bon te zhes gsal bar gsungs pa dang / gzhung bshad mthong ngo cog gi grangs bgrangs nas de