[A:54b]bshad/ gnad kyi gsal byed las/ gsang ba la ni sa yi khams/ /zhes pa nas brtsams te/ chos kyi skur ni rab tu grags/ /zhes pa'i bar gyis rang byung gi ye shes kyi mtshan nyid ston pa las/ de la rgyas par bstan pa dang / shin tu bsdus te bstan pa'o/ /dang po la gsum/ rten zhu ba la 'byung ba lngar bstan/ brten pa med pa bde ba ye shes lngar bstan/ de nyid rigs lngar bstan pa zhes gsungs pa'i rigs lngar bstan pa'i skabs su/ shin tu rnam dag ye shes che/ /rdo rje sems dpa' zhes byar bshad/ /ces pa'i tshig rkang gnyis sdebs te/ mi bskyod pa dang rdo rje sems dpa' gnyis kas phyogs gcig tu thams cad bdag nyid kyis ston pa'i gzhung yin pas de ni rgyas par bstan pa'i skabs yin la/ bde ba dam pa ru ni brjod/ /zhes pa ni bsdus te bstan pa la rten thig le bsdus te bstan pa dang / brten pa bde stong bsdus te bstan pa yin par gsungs pas/ gzhung mtshams kyang tha dad cing / rigs bdag gis rgyas gdab ston par dogs pa'i gnas tsam yang med la/ rang blos sbyar bas rje btsun gong ma'i lugs su 'gyur ram/ slob dpon dgra las rnam rgyal gyi gzhung yang / pho brang drug pa ston pa'i gzhung yin gyi/ rigs bdag gis rgyas 'debs ston pa'i gzhung ma yin te gzhung gi skabs la dpyad pas shes yin no/ /de ltar na bsgrub byed rnam par dag pa med bzhin du rje btsun gyi gsung rnams dor nas gzhan du smra ba 'di la dgos pa ci zhig yod/ 'o na rje btsun gong ma'i gzhung las ji ltar bshad ce na/ sras don ma las/ dbang