[A:55a]rtags ni lha thams cad la blang na/ gtso bo lnga la sku rdo rje rnam snang la sogs pa lnga/ 'khor rnams la rang gi gtso bo'am/ yang na thams cad kyi dbu la gnas lngar rdo rje rtse lnga pa re re bsam mo/ /zhes dang / 'phags pa rin po ches/ gtso bo lnga la rdo rje sems dpa'/ 'khor rnams la rang gi gtso bo/ skye mched kyi lha rnams la rang rang gi kha dog dang mthun pa'i rigs bdag khro bo bcu la srung 'khor gyi skabs 'byung ba bzhin rigs kyi bdag pos dbu rgyan par bsam mo/ /zhes gsungs pa yin no/ /'o na bshad pa gnyis po ma mthun pas 'phags pas gsungs pa de mi 'thad do zhe na/ mi mthun par snang ba 'di brgyud pa'i man ngag med par yi ge la thug 'phrad byas pa'i smra ba ste/ 'dir rdo rje sems dpa' ni rigs lnga po rang rang gi rgyu rdo rje 'dzin pa yin pas rang rang gi rigs kyis rgyas gdab pa yang yin la/ rdo rje sems dpas rgyas gdab pa yang yin pas don gcig pa yang yin no/ /lan la gnyis te/ dngos bstan rtsod phreng so so'i lan dang / zhe 'dod kyi dngos lan ma 'khrul ba'o/ /dang po la gsum ste/ rgol bas kha sbyor gyi lung don phyogs gcig tu zhen pas blo gros chung ba/ phyag rgya bzhi pa'i gzhung ma mthong bas 'ol spyod ches pa/ 'gal spongs ma shes pas phyogs snga'i 'dod pa bsgrub pa'o/ /dang po ni/ kha sbyor gyi gzhung de rgyud 'chad pa'i tshe rdzogs rim gyi ye shes ston byed du bshad kyang / man ngag gi tshe lus dkyil ston pa la 'gal ba ci yang yod pa ma yin te/ rtsa rgyud kyi/ e yi rnam pa lha mo can/ zhes