[A:55b]sogs dang / kha sbyor gyi/ a ni sa ru shes pa bya/ /zhes sogs rnams rgyud 'chad pa'i tshe rdzogs rim dang / man ngag gi tshe lus dkyil gyi khungs su rtsod med du grub pa dang / rgyud kyi tshig re re la yang spyi sbas mthar thug gi bshad pa du ma zhig byar yod cing / bya dgos pa la dgongs nas dpal brtse ba chen pos/ thams cad mkhyen pa'i bka' ni rgya mtsho bzhin/ /zab cing gting dpag dka' la thug pa med/ /rdo rje theg pa'ang dgongs pa du ma yis/ /gsungs shing rdo rje'i tshig gis rgyas gdab pas/ /zhes sogs bka' stsal ba yin no/ /TIka chen gyi dngos bstan ni/ rgyud 'chad pa'i tshe lus dkyil gyi khungs su 'chad pa skabs su ma babs pa'i phyir ma bshad pa yin te/ don la ma 'brel ba ma yin gyi/ lus kyi dkyil 'khor 'di dag rtsa thig rlung gsum mkha' 'gros byin gyis rlabs nas rdzogs rim ye shes 'dren pa'i thabs su gsungs pa'i phyir dang / der rdzogs rim gyi ye shes ston byed du gsungs pa'i phyir ro/ /de ltar na lung de'i don man snye las/ 'khor lo lnga'i dbus su lha mo lnga bskyed pa'i lus dkyil du dngos su bshad la/ de'i tshe tshig rkang pa phyi ma gnyis 'khor lo drug pa 'dod pa rnams kyi de'i khungs dang / lnga pa'i tshe rigs bdag ston par phyag rgya bzhi pa'i lung gi grub bo zhes pa'i don yin pas/ 'di tsam gyi zin po gsal kha can yod bzhin du rang blos sbyar ba'i bshad par sems pa ni phyogs 'dzin gyi gdon gyis ha cang btab ches pa'o/ /gal te lung des rdzogs rim kho na las lus dkyil ye ma bstan na/ de ma yin pa'i dngos bstan 'khor lo