[A:56a]drug pa ston byed kyi kyai rdor rgyud gsum gyi lung gsal kha can zhig bstan dgos so/ /des na mkhyen rab dbang phyug gis/ 'di mtha' 'di tsam kho nar gnas so zhes/ /de mtha' de tsam kho nar rjes dpag na/ /'gro ba'i bla ma'i gsung las brgal ba ste/ /des na mtha' min dgongs pa dpyad par bya/ /zhes gsungs pa 'di blo la nges par gyis la/ gcig bstan na gcig shos bstan du mi rung ngo snyam du da phyin chad ma sems shig gnyis pa ni/ khyod kyis phyag rgya bzhi pa ma mthong bzhin du de'i don 'khor lo drug par 'chad pa ni 'ol spyod ches pa yin te/ ji skad du phyag rgya bzhi pa las/ rnal 'byor chos mchog rang gi lus/ /grub pa'i dkyil 'khor skad cig lta/ /lte ba drug cu rtsa bzhi'i rtsa/ /sa yi rang bzhin spyan ma ser/ /las kyi phyag rgya'o/ /snying khar brgyad kyi rtsa rnams la/ /rdo rje btsun mo ma mA ki /mdog sngon gri gug thod pa 'dzin/ /gar gyis legs rol chu yi khams/ /chos kyi phyag rgya'o/ /mgrin par 'khor lo longs spyod che/ /bcu drug rtsa las gos dkar mo/ /me khams rnam dag kha dog dmar/ /zhal gcig phyag gnyis mdzes pa ma/ /phyag rgya chen po'o/ /gsang bar padma sum cu gnyis/ /sgrol ma ljang sngo rlung gi khams/ /steng gi bde chen 'khor lo la/ /rdo rje dbyings kyi dbang phyug ma/ /sum cu gnyis ldan kha dog dkar/ /bde chen nam mkha' nyid du mdzod/ /dam tshig gi phyag rgya'o/ /rnam snang la sogs sangs rgyas rnams/ /'khor lo'i dbus su rol zhing gnas/ /zhal mdog mtshan ma la