[A:5b]ci cha yod/ /gang zhig 'di na ri dwags lte ba yi/ /dri zhim dgra bor 'dzin pa'i mig gis thos/ /kun rmongs dug gis nges par myos pa dag /zhi dul dam pa'i spyod pas dge gyur cig /ces sa mo glang gi lo e wa~M gyi ri khrod nas dris shing brtags pa'i rab tu byed pa 'dis kyang gsung ngag rin po che'i bstan pa phyogs thams cad du dar zhing rgyas pa'i rgyur gyur cig ces pa de rnams kyi dri ba'i gsung bkod pa bstan zin nas// ! //gnyis pa de'i lan bshad pa ni/ sa skya pa'i bstan 'dzin rdzong lugs pa kun gyi gtsug rgyan dam pa rdo rje gdan pa chen po kun dga' rnam rgyal gyi dngos slob chos kyi rje byang chub dbang rgyal gyis gong gi dri ba'i lan 'debs mdzad pa las 'di ltar/ na maHsanggu ru pA da ya/ gsung gi dbang phyug 'jam pa'i dbyangs/ /rnam 'phrul sa skya'i rje btsun dang / /dbyer med rdo rje gdan pa la/ /sgo gsum gus pas phyag bgyi 'o/ /snyan brgyud zab mo lha yi lam/ /blo gros gshog bral ma bgrod de/ /thos chung bung ba rang gi khyim/ /bum nang nam mkhar chags pa dag /rang blos sbyar ba'i dri ba'i tshig /'brel med zar zir 'di skad smra/ /de la dri tshig dang po ni/ /snang gsum sngon du dbang bskur ba/ /nges par dgos zhes khas len pa'i/ /lam 'bras pa la 'di skad dri/ /lam de'i go rim rgyud gzhung nas/ /bshad pa'i skal dman rim 'jug dang / /skal bar ldan pa gcig car ba'i/ /lam rim gnyis po gang yin dri/ /dang po ltar na khrid tshul de/ /sngon 'gro 'khor ba'i nyes dmigs dang / /dal 'byor rnyed dka' byams