[A:5a]rgyas 'debs rim gnyis 'khor bcas las/ /rgyud gzhung kun nas bshad pa med/ /rim gnyis gang du 'du ba smros/ /khrid tshul gnyis ka ma yin pa'i/ /lam 'bras phung po gsum pa zhig /rgyud gzhung dgongs par 'chad nus sam/ /snang gsum lam gyi gzhi bca' dang / /rang rkang tshul du 'chad pa yi/ /khyad par gang yin gsal bar smros/ /gzhi bca' zhes pa'i nges tshig ci/ /gzhan yang bra ston zhus lan las/ /'byung ba'i lam rim lam 'bras dang / /rgyud gsum dang ni mdo rgyud spyi'i/ /lam rim gsum po gang du 'tshal/ /dang po ltar na snang gsum gyi/ /sngon du dbang bskur bshad 'dug gam/ /gnyis pa ltar na tshul de dang / /'gal ba'i lam 'bras rgyud gsum nas/ /bshad pa min par khas longs shig /phyi ma ltar na lam 'bras dang / /mi mthun lam de mdo rgyud kyi/ /dgongs par grub phyir lam 'bras kyi/ /go rim de 'dra gang nas byon/ /mdo rgyud kun dang mi mthun pa'i/ /lam de gong ma'i dgongs pa zhes/ /smra ba de dag gad mo'i gnas/ /mdor na bra ston zhus lan dang / /mthun pa'i nyams len khung ma zhig /gangs can 'di na yod dam med/ /yod na de yi mtshan gzhi dri/ /med na tshul de bshad pa la/ /dgos pa ci zhig yod dam dri/ /de skad 'di ni sa skya pa'i/ /rje btsun rnams la rmongs dad tsam/ /min pa shes nas dad thob pa'i/ /sdom brtson rnams la dris pa yin/ /zab don rtog ge'i dug chu yis/ /log par 'chad pa'i skye bo dang / /rgyud don snang ba dang bral ba'i/ /lam 'bras pa la