[A:6a]snying rje/ /byang chub sems bskyed la sogs pa/ /tshad ldan gong mas bshad kun chad/ /chad pa yin na go rim nor/ /nges par 'byung ba'i blo tsam yang / /ma bskyed pa de sngags lam du/ /ci dgar 'jug pa rgyud las bkag /phyi ma ltar na snang ba gsum/ /nges pa can du ston pa lhag /lhag pa min na rnam gzhag 'chol/ /zhes pa smra ba de la 'dir/ /phyogs zhen rlung gi zhe sdang med/ /sbar bas rang rgyud bsreg byed la/ /snyan brgyud bum bzang las byung ba'i/ /legs bshad bdud rtsi yi bsil bar bya/ /rje btsun mthu stobs dbang phyug gi /gsung gi rdo rje'i tshig rkang las/ /byung ba'i nyams su blang tshul ni/ /rje btsun rnams kyis bzhed ji bzhin/ /'jam dbyangs drug pa chos kyi rje'i/ /gsung las byung ba'i lam rim 'di/ /gtso bor skal bar ldan pa yi/ /nyams su blang ba'i rim pa yin/ /min yang rim gyis dkris nas ni/ /snod rung gyur nas blang bya yin/ /de'i yang thog mar dbang bskur ba/ /yin par ljon shing dag las ni/ /da ni bla med skal ldan pa/ /gcig car 'jug pa'i mngon rtogs brjod/ /smin par byed pa'i dbang zhes pa/ /gsungs shing dag ldan nyid las kyang / /thun mong gis rgyud sbyangs pa dang / /skal ldan rgyud ma sbyangs kyang ni/ /'jug rung phyi ma'i gnyis pa las/ /zhes gsung dbang gi chu bo las/ /sngar gtan ma zhugs rab 'bring gsum/ /de'i rab dbang gi snod du gsungs/ /gzhan yang gang zag rab 'bring gsum/ /dkri ba'i gzhung shing nyid du ni/ /dang por gang zag bla ma'i