[A:56b]sogs pa/ /ji skad rgyud las gsungs bzhin bsgom/ /bsam gtan mi nus rnal 'byor gang / /rgyal chen 'khor lo bsgyur ba lnga/ /bde ba dam pa'i yul dang bcas/ /g.yas brkyangs pa yi ro yi sku/ /'khor lo'i mdog mtshungs zhal gcig pa/ /'khor lo padma rdo rje dang / /rin chen ral gri g.yas na ste/ /g.yas min par ni dril bu'o/ /kun gyi dbang bskur gnas su ni/ /rdo rje sems dpa' zla ba'i mdog /shes rab ma dang mnyam sbyor ba/ /rdo rje dril bu 'dzin pa bsgom/ /zhes gsungs so/ /kyai thos chung dag slob dpon dgra las rnam rgyal gyi gzhung gis pho brang drug pa bstan par gzhung gi skabs la dpyad pas shes so/ /zhes smras zin nas/ rnam dpyod kyi blo gros yod na da dpyod cig dang / gzhung de'i dngos bstan pho brang drug pa yin na/ pho brang dang po lnga la rtsa 'dab kyi grangs dang / 'khor gyi lha mo dang / phyag rgya bzhi bsdu tshul rnams bshad nas 'khor lo drug pa la de thams cad mi 'byung ba dang / 'khor lo drug po phyogs gcig tu bshad nas/ rnam snang la sogs sangs rgyas rnams/ /'khor lo dbus su rol zhing gnas/ /zhes sogs kyi spyi sdom phyogs gcig tu byas nas/ /rgyal chen 'khor lo bsgyur ba drug /ces bshad chog pa las/ de bzhin mi 'byung bar 'khor lo bsgyur ba lnga phyogs gcig tu bshad zin nas/ kun gyi dbang bskur gnas su ni/ /zhes sogs 'byung ba'i don ji ltar yin pa gzu bor gnas pa'i blos smros shig dang / khyed kyi blo gros kyi tshang de da bzod rtogs par 'gyur ro/ /gsum pa ni/ khyod kyis kho bo cag gi 'dod