[A:57a]pa legs par bsgrub pa yin te/ 'di ltar lus dkyil gyi lha thams cad la rdo rje sems dpa' rgyas btab dang / rang rang rigs kyi gtso bo rigs lnga gang rung gis rgyas btab pa gnyis mi mthun par sems pa ni/ brgyud pa'i man ngag med par yi ge la thug phrad byas pa'i smra ba ste/ 'dir rdo rje sems dpa' ni rigs lnga po rang rang gi rgyu rdo rje 'dzin pa yin pas/ rang rang rigs kyis rgyas btab pa yang yin la/ rdo rje sems dpas rgyas btab pa yang yin pas don gcig pa yin no zhes bya ba 'di legs par grub pas rtsod pa'i gzhi lha'i lam la dbang po'i gzhu bzhin dengs par gyur to/ /gnyis pa ni/ sras don ma'i lung dang po dang / 'phags pa'i dgongs pa gnyis don la mi 'gal bar phyogs snga phyi gnyis ka mthun la/ sras don ma'i phyogs phyi ma ni dbu rgyan rang chas can du bsgom pa'i don yin zhes 'ga' zhig smra yang / de'i don dmigs pa bsgom sla ba'i phyir yin zhing / gzhan lha thams cad la rang rigs kyi rigs lnga'am/ de'i rgyu rdo rje 'dzin pa gang yang rung bas rgyas 'debs su rung bas phyag rgya bzhi pa nas 'byung ba dang / rje btsun gong mas bshad pa dang / kho bo cag gi ngag 'don rnams gnad gcig pa yin pa'i rgyu mtshan gyis nyams len ni spros pa'i bye brag gi ci rigs par nyams su blang du rung ba yin no/ /des na rdor sems rigs thams cad kyi bdag po yin pa dang / rigs lnga char gyi rgyu rdo rje 'dzin pa yin pas gang du rigs bdag nges gsal med pa'i lha thams cad la des rgyas 'debs su rung ba yin no/ /'on