[A:59b]byed par grags pas so snyam na grags pa tsam gyi rjes su 'brangs te dgag bsgrub byas pa'i phyir rang nyid dpyod ldan ma yin par bsgrub pa'o/ /gnyis pa ni/ 'o na rab byung gi dpa' bo'i ston mo byar rung na/ des tshogs 'khor gyi dbye ba bshad pas khyed la 'gal lo snyam na mi 'gal te/ ljon shing las dpa' bo'i ston mo tshogs 'khor gyi ming don las phye ba'i ya gyal du bshad kyang / dbye ba'i ya gyal yin na dbye gzhi de yin mi dgos te/ dper na bden gnyis kyi dbye gzhi 'jig rten pa'i blo tsam dang shes bya tsam yin par bshad kyang / don dam bden pa de gnyis gang yang ma yin pa bzhin no/ /des na rje btsun gyi dbye gzhi ya gyal du bshad pa de thams cad tshogs 'khor mtshan nyid pa yin par zhal gyis bzhes pa ma yin te/ gal te yin na rje btsun nyid kyis tshogs 'khor la rnal 'byor pho mo gnyis ka tshogs dgos par bshad pa dang nang 'gal du 'gyur ba'i phyir dang / de gnyis ma tshogs na tshim pa drug pa dngos kyang byar med pas/ tshogs 'khor mtshan nyid pa'i don mi gnas pa'i phyir/ mdor na tshogs 'khor mtshan nyid pa dang / rjes mthun par 'jog pa ni tshim pa drug pa dngos su byar yod med kyi khyad par las rab tu phye ba yin la/ de ltar yin pa de'i phyir las rgya la brten nas rdzogs rim gyi ye shes dngos su bskyed de/ lus sems lhan skyes kyi bde bas tshim par byar nus pa'i rnal 'byor pa kho nas tshogs 'khor bya ba dang / de 'dra ba'i nus pa med na khyim pa rdor 'dzin yin yang chags pa'i rnam rtog dang bcas pa'i phyir/ /tha mal pa'i 'dzag bde yin