[A:60a]gyi/ 'gyur med kyi bde ba ma yin pas tshogs 'khor mtshan nyid pa byar med pa dang / rab byung rdo rje 'dzin pa ni bshad ma thag pa'i nus pa dang ldan zhing ji tsam bzang yang bstan pa la gces spras su bya ba'i phyir/ de 'dra ba'i spros bcas kyi spyod pa dngos su mi mdzad pa yin no/ /don de la dgongs nas mkhyen rab dbang phyug gis rnal 'byor pas bya ba'i tshogs 'khor mtshan nyid pa dang / rab byung gis bya ba'i tshogs 'khor rjes mthun pa gnyis su phye ste bshad pa yin no/ /de bzhin du grub pa'i dbang phyug chen po Dombhi he ru kas kyang dpa' bo dang bral ba'i dpa' mo dang / dpa' mo dang bral ba'i dpa' bo dag gi tshogs kyi 'khor lo bskor bar mi bya'o zhes bshad pa yin pas/ tshogs 'khor gyi ming du btags pa mtha' dag tshogs 'khor mtshan nyid par sems pa ni bram ze'i khyi'u la mer btags pa dang / btso bsreg gi bya ba re ba ltar rnam par 'khyams pa yin no/ /des na 'khrul spong las/ tshogs kyi gral du thun mong gi rgyu bzhi gang rung sngon du 'gro bas tshogs rdzas stobs pa mi gtsang ba'am/ sdom pa 'og ma'i bcas pa dang 'gal du dogs pas dwangs du mi len na rtsa ltung du bshad kyi/ rab byung gi dus khyad par can la tshogs 'khor mtshan nyid pa ma byas na rtsa ltung du 'gyur ba 'khrul spong gi dgongs pa yin zhes pa ni ha cang rmongs tshab ches pa'i gtam yin pas thar pa don du gnyer ba'i blo gros can rnams kyis bag zon gyis shig gsum pa la gnyis te/ skabs don gyi dngos lan dpyis phyin pa dang / 'khrul med kyi lung khungs rgyas par bshad