[A:6b]drung / /'ong pa dbang dang dam tshig dang / /ldan byas bskyed pa'i rim pa dang / /snying por bcas pa byed pa de/ /khrid kyis bskyang bar 'dod pa na/ /zhes sogs gsungs na thog mar dbang / /nges par dgos pa gsungs pa nyid/ /khyed rnams rgyu dus dbang gi sngon/ /nges par snang gsum dgos zhes pa/ /snang gsum sngon du ma song bar/ /dbang bskur mi rung pa yin nam/ /dbang bskur song nas snang ba gsum/ /mi rung ba ni gang yin brtag /dang po ltar na yan 'gar du/ /dbang bskur byed pa med 'gyur zhing / /phyi ma ltar na lam 'bras ni/ /gnyis pa 'chad tshe ji ltar byed/ /khyad par du yang rgyud gsum gyi/ /dkri ba'i skabs su rgyu chos can/ /'khor ba'i gnas lugs bsgom zhes pa/ /ma dag snang ba'i skabs bzhin du/ /slar yang bsgom par gsungs pa dang / /shin tu rgyas bshad skabs su yang / /snang ba gsum gyi don dran par/ /legs par gsungs na ji ltar brgol/ /gzhan yang snang ba gsum gyi sngon/ /bsag sbyang rnam gnyis bya dgos te/ /khrid kyi sngon 'gro yin phyir ro/ /dgos na dbang bskur ma thob pa'i/ /bla ma skabs 'di'i tshogs zhing du/ /mi rung gal te rung na ni/ /bla ma sangs rgyas nyid yin zhes/ /bya ba dbang bskur thob nas yin/ /zhes gsungs pa yang drang don 'gyur/ /rdo rje sems dpa'i bsgom bzlas kyang / /dbang ma thob par mi rung na/ /sgrib pa sbyangs bsags gang du 'gyur/ /gal te dbang rjes byed ce na/ /de gnyis sngon 'gro min pa'am/ /snang ba gsum po khrid min te/ /sngon 'gro sngon du mi