[A:61b]bde ba gnyis shan ma phyed par gda'/ lhan cig skyes pa'i ye shes yin na rgyu mi 'gyur ba'i bde ba las byung bas khyab lags so/ /zhes gsungs pa de nyid chos kyi rje mkhyen rab dbang phyug gi dgongs pa phyin ci ma log pa yin pas shes ldan dag gi lag len rgyud sde dang mthun par bya dgos kyi/ bshes gnyen ngan pa gdon gyis zin pa'i bslab col gyi rjes su mi 'brangs ba gal che'o/ /gnyis pa la gsum ste/ tshogs 'khor mtshan nyid pa rnal 'byor pas bya dgos pa'i lung / rab byung gi byar mi rung ba'i lung / tshogs rdzas kyi sha chang rgyud sde las bshad pa dgos pa'i lung ngo / dang po ni/ 'o na tshogs kyi 'khor lo mtshan nyid pa byed pa la nges par rnal 'byor pa nus pa can dgos par gang nas bshad ce na/ dpal dus kyi 'khor lo'i 'grel par/ 'di byis pa'i skye bo rnams kyis brjod par bya ba gang yin de/ de bas rgyud kyi rgyal po thams cad las bdud rtsi lnga la sogs pa rnams bza' bar bya ba gsungs pa de ni bden te/ 'on kyang rnal 'byor pa rnams kyi yin gyi/ tha mal pa'i sems can rnams kyi ni ma yin no/ /gang dag gi sngags kyis stobs sam/ bsam gtan gyis sbyangs pa byas pa dang / rtogs pa byas pa dang / rab tu 'bar bar byas pa dang / bdud rtsir byas pa'i dug rnams ni dug med par 'gyur ba dang / chang rnams ni 'o mar 'gyur ba dang / dug gi chu la sogs pa'i gdug pa rnams dang / sems can rnams la 'chi ba ster bar byed pa la sogs pa rnams ni bcud len du 'gyur ba dang / rus pa rnams ni me tog tu 'gyur ba dang / so rnams