[A:62a]ni mu tig gi 'bras bur 'gyur ba dang / thod pa ni padmar 'gyur ba dang / sha ni pu tra ke shar 'gyur ba dang / khrag ni sihla kar 'gyur ba dang / gci ba ni gla rtsir 'gyur ba dang / khu ba ni ga pur du 'gyur ba dang / gshang ba ni gzhi mnyam du/ ba spu rnams ni gur gum gyi ge sar du 'gyur ba ste/ de ltar gdug pa'i rdzas du ma rnams ni gdug pa'i rang bzhin yongs su btang ba'i phyir sbyang ba byas pa dang / rtogs pa byas pa dang / rab tu 'bar bar byas pa dang / bdud rtsir byas pa rnams rang bzhin gyis zos pa yang lus la stobs chen po rgyas par byed par 'gyur ro/ /gshang ba la sogs pa rang bzhin gyis dag pa rnams lus la byugs pa ni mchog gi dri rab tu ldang bar byed do/ /de'i phyir rnal 'byor pa rnams kyis de bzhin gshegs pas gsungs pa rnams te/ gzhan lha dang sngags ma bsgrub pa bklags pas rmongs pa mkhas pa'i mngon pa'i nga rgyal dang ldan pa chu skyar gyi rgyu ma 'dzin pa/ tshogs khang dang gtsug lag khang gi rdzas la mngon par chags pa dang ldan pa/ yi dwags dang dmyal ba'i skye bar skye ba 'byung ba/ nges par bcings pa/ rang gi don dang gzhan gyi don nyams pa/ rgyud las gsungs pa'i don la phyin ci log gi don ston pa'o/ /yongs su brtag pa mi byed pa'i skye bo bdud kyi rigs chen po rnams kyis bza' ba ni bcom ldan 'das kyi gsungs pa rnams su mi 'gyur ro/ /zhes legs par bka' stsal to/ /gnyis pa ni/ 'o na sbyang rtogs 'bar gsum nus pa'i rab tu byung ba rnams kyi tshogs 'khor dngos su byas