[A:7a]dgos phyir/ /gal te snang gsum khrid min na/ /khrid tshul nyer brgyad nyer dgu zhes/ /dkar chag tu gsungs ji ltar bgrang / /mdor na snang ba gsum gyi sngon/ /sngon 'gro bcu gnyis 'gro dgos par/ /gang zag dbang po rab 'bring gsum/ /dkri ba'i gzhung shing nyid du ni/ /mi mthun sgrib sbyang yig brgya dang / /mthun pa'i tshogs bsag maNDal dang / /'khor ba'i nyes dmigs bsgom pa gsum/ /zhes dang thun thams cad kyi mgor/ dgos pa rnam pa bcu gnyis te/ /gnad dbab gsum dang sngon 'gro gsum/ /zhes dang khrid kyi dkar chag tu/ /thams cad sngon 'gro chos bcu gnyis/ /de dag rnams la thun gsum ste/ /gsol ba gdab dang bsag sbyang la/ /thun gcig sbyang ba gsum po la/ /thun gcig khrid kyi sngon 'gro'o/ /gnad dbab gsum dang bsgom pa gsum/ /thun gcig thun gyi sngon 'gro'o/ /zhes pa gsungs na mi 'dod cing / /de ltar tshogs bsgom rin po che'i/ /dngos slob nyan gnyag gnyis kyis kyang / /gzhung shing dang po'i khrid yig tu/ /gsal ba nyid du gsungs pa dang / /chos rje bla ma dam pa yi/ /khrid yig sbas don gsal ba ru/ /sngon 'gro de dag 'gro dgos par/ /nges pa nyid du gsungs pa dang / /de nyid tshang mar grub pa yang / /ngor chen rdo rje 'chang chen gyi/ /gsan yig rgya mtsho zhes par ni/ /chos rje bsod nams rgyal mtshan gyis/ /mdzad pa'i ngo mtshar snang ba dang / /gzhung bshad man ngag bshad mdzod dang / /khrid yig sbas don gsal ba sogs/ /pod nag ma ru grags pa