[A:68a]grangs nges med na sta gon dang 'gal la/ yod pa'i khas len dang 'gal te/ sta gon gyi grangs nges rjes bzung gi grangs nges la ltos/ dbang dus kyi grangs nges sta gon gyi grangs nges la ltos par spyir rgyud las gsungs pa'i phyir ro/ /zhes smra ba'o/ /de'i lan ni/
rjes bzung skabs kyi slob ma la/ /grangs nges med pa mi rung na/ /chos kyi rgyal po 'phags pa yi/ /brtag gnyis TIkka gser sgam mar/ /grangs nges med la rjes 'dzin gyi/ /cho ga byed pa gsal bar bshad/ /de dag khyod kyis ma mthong bar/ /thag chod byed pa rigs pa 'am/ /gzhan la smra ba'i zol sbyor gyis/ /'phags pa 'gegs la brtson par zad/ /'phags pa 'gegs pa'i sa skya pa/ /rnying pa'i rjes 'brang de ngo mtshar/ /spyi rgyud nyid na grangs nges kyi/ /lung de sta gon skabs na yod/ /de phyir dbang chu'i dngos bstan ni/ /dbang bskur tshar gcig nyid la dgongs/ /gnyis dang gsum sogs 'ga' yod na/ /rjes 'dzin 'phral nas bya mi dgos/ /dgos na 'phags pas bshad pa de/ /slob ma dbang bskur grangs med la/ /byed du rung ba'i lung nyid du/ /thal ba khyod kyis bzlog mi nus/ /'phags pa dngos su 'gegs bzhin du/ /'phags pa bsgrub pa'i khengs pa can/ /khyod kyis gang dang gang smras pa/ /thams cad de dang de 'drar zad/ /stobs ldan rmongs pa'i dregs pa yis/ /'phrog byed brnyas pa'i le lan gyis/ /sa gsum shor nas rang nyid kyang / /dam du bcing ba thob par 'gyur/ /zhes bya ba ni bar skabs kyi tshigs su bcad pa ste don tshan gnyis pa'o/ /rgol ba gsum pa ni/ slob ma smin byed kyi rdul tshon gyi dkyil 'khor