[A:7b]yang / /legs par thob ces gsungs phyir ro/ /des na snang ba gsum gyi sngon/ /sngon 'gro de rnams 'gro dgos phyir/ /thog mar dbang bskur byed grub cing / /khyad par snang ba gsum gyi sngon/ /bla ma dam pa'i zhabs btud de/ /zhes pas rgyu yi dbang bstan par/ /thams cad mkhyen pa chos kyi rjes/ /dbang ma bskur la bla ma med/ /ces pa'i 'grel gyi shes pa'i tshul/ /rgyas bshad rnam 'grel rnams su yang / /phyi nang gsang ba mthar thug gi /bla ma bzhi yi lus sogs la/ /dbang bzhi bskur nas dbyibs sogs kyi/ /lam bzhi bsgom pas sku bzhi ni/ /'grub par gsungs na de yi sngon/ /dbang ma bskur bar de dag gi /bshad pa 'byung ba ji ltar lags/ /rang gi brgyud pa'i bla ma sogs/ /rje btsun dam pa de rnams kyi/ /gsung la tshad mar mi byed par/ /rang bzos gya tshom smras pa la/ /yid brtan rung ngam shes ldan dag /gzhan yang khyed rnams la la dag /khrid kyi dkar chag sa paN gyis/ /mdzad pa min te lcang ra ba/ /kun dga' rgyal mtshan byas so zhes/ /mngon sum 'khyog por smra mod kyi/ /des na gsan yig rgya mtsho ru/ /khrid kyi dkar chag sa paN gyis/ /mdzad pa thob pa'i brgyud pa ni/ /chos rje nyid dang long bu ba/ /zhes sogs yod na ji skad smra/ /gzhan yang skal ldan gcig car la/ /snang gsum nges par mi dgos pa'i/ /shugs la skal dman rim gyis la/ /nges par dgos par khas blang pas/ /rim 'jug lam rim thams cad la/ /snang gsum yod pas khyab lags sam/ /rim gyis 'jug la skyon