[A:73a]zhes/ /'brel med snyon de su la smra/ /tshul des dgag bya mi khegs na/ /klu sgrub nas ni chos rje sogs/ /tshad ldan sdom brtson mtha' yas pa/ /rtsa ltung can du khyed bsgrub bam/ /mdor na tshogs 'khor ma byas pa/ /rkyang pas rtsa ltung 'byung ba de/ /gong ma'i gsung rab gang na bzhugs/ /khyed dag tshogs 'khor byed do zhes/ /kun la rlung ltar sgrog byed na/ /rje btsun gong mas tshogs 'khor la/ /dpa' bo dpa' mo gnyis tshogs dang / /tshim pa drug sogs bshad pa yis/ /mtshan nyid tshang bar khyed byed dam/ /tshogs 'khor mtshan nyid ma tshang na/ /btags pa ba las 'da' ba med/ /de ltar 'dod na khyed nyid kyis/ /tshogs kyi 'khor lo ma byas phyir/ /rtsa ltung can du khas longs shig /de phyir rang la skyon brjod pa/ /nges par smyon pa nyid du bas/ /gal te de dag kun byed na/ /phyag na rdo rje'i bstod 'grel las/ /chos gos 'dzin pa rnams la ni/ /bla mas tshig gis bstan par bya/ /gzhan du bla ma dam tshig ni/ /nyams par 'gyur zhes gang gsungs pa'i/ /gzhan gyis ma khur sdig pa yi/ /khur de khyed cag 'khur ram ci/ /gzhan yang dus 'khor rgyud 'grel sogs/ /tshad ldan rnams las rab byung gis/ /de ltar byed pa rgyas par bkag /chos rjes bshad pa'i ston mo de/ /dpa' bo'i ston mor khas blangs shing / /dpa' bo'i ston mo rje btsun gyis/ /tshogs 'khor dbye bar bshad ces pa/ /gnyis ka gcig char khas blangs nas/ /chos rjes bshad de sa skya pa'i/ /rang lugs min zhes smra byed pa/