[A:73b] /'di yang 'gal ba ltag sprod yin/ /khu dbon gnyis ka bzhed pa de/ /sa skya'i chos su mi rung na/ /sa skya'i chos kyi mtshan gzhi ni/ /kun mkhyen gyis kyang brnyed mi nus/ /sa paN 'gag pa'i sa skya pa/ /rnying pa de dag ches cher blun/ /de phyir phyi dro'i kha zas dang / /sha chang rol la rngam pa yi/ /zol gyis tshogs 'khor byed do zhes/ /'jig rten pa rnams rmongs byed pa'i/ /'dod ldan de dag lhag spyod kyi/ /ting 'dzin bsgom pa ji bzhin no/ /yang dag mgon gyis ma bzung ba'i/ /rnam dag dam pa'i tshul dor nas/ /ma dag 'tsho ba don gnyer ba/ /mtha' dag tshogs kyang lan yod min/ /zhes bya ba ni bar skabs kyi tshigs su bcad pa ste don tshan brgyad pa'o/ /ding sang bstan pa nyams dma' bas/ /yongs su rdzogs pa'i dge bsnyen gyi/ /bsrung bya tsam la'ang cher lhod pa'i/ /rdo rje slob dpon gzugs brnyan gyis/ /smin grol nus par khas blangs nas/ /dad pa'i rjes 'brangs bsdud pa mthong / /de phyir chos ltar bcos nas ni/ /chos min byed ces smra ba de/ /rang gzhan kun la gzu bo'i blos/ /smra ba yin na thal mo sbyor/ /gzhan du rgyal bas lung bstan pa'i/ /tshad ldan mkhas pa smod byed pa'i/ /phyogs 'dzin mkhan de yid bsrub kyi/ /pho nya yin par gdon mi za/ /chos tshul 'di la sbyangs sbyangs pa'i/ /bstan 'dzin gzhan la smod smod pa/ /de dag rnams kyi rang rang gis/ /smra bya'i gnas la nges nges kyi/ /bsgrub byed don du mna' bor bas/ /rang gzhung zin par khas 'che ba'i/ /thos chung rnams kyi rang gi rang / /lha rnams dga'