[A:74a]ba'i grangs su byas/ /gsar byung yid bsrub rigs kyi tshig /thun tshags bsdus pa'i smod pa'i mda'/ /phyogs 'dir 'phen brtson sred ldan dag /'dod pa'i khyim du gnyid byos shig /a ho badzra dznyA/ phyogs kun 'phrin las gser gyi 'gebs nus pa'i/ /'od gsal nyi zla'i snang ba 'di med na/ /tshur rol mthong ba'i srin bu me khyer gyis/ /sa gsum snang byed dbang po bya nus sam/ /sngon dus rtog ge'i chang gis rab myos pa'i/ /phyir rgol glang po smyon pa'i dor stabs kyis/ /gsung ngag mtsho skyes rtsa ba dkrugs pa'i tshe/ /nyes spong lung rigs shes pa 'ga' yod dam/ /deng dus mkhas mang ngang pa'i ded dpon dang / /gzhan zer dbyangs su len pa'i bung ba yang / /chos 'di mkha' la 'dab bzang ji bzhin du/ /'phur lding byed 'di mgon de'i drin min nam/ /gong ma'i bzhed gzhung ming gi mthar byed cing / /lam bzang bsgom la 'gyod tshang gzhung 'dzugs pa'i/ /'byung po'i rigs la phebs pa smra byed cing / /rang sde smod rnams gdon gyis ma btab bam/ /rgyal po'i 'phrin dang g.yo sgyu'i sbyor ba yi/ /'bad pas bsgrub pa'i dad pa'i rjes 'brang gi /sgra 'dzin dbang po gzhan smod ngud mo yis/ /rgyun du rtser la bsam sbyor gzhan med dam/ /chos brgyad 'khor dang khyim la 'khron pa yi/ /kun dkris dbang gis dgag bsgrub zol sbyor mkhan/ /lus med 'dod pa'i bde ba bsgrub rnams la/ /nyung ngu'i ngag gis lan 'di rigs par smras/ /gsung rab rgya mtsho'i don la ma phyogs par/ /lan brgyar 'chad dang nyan